لوگوں کو رائے ونڈ راستے دکھانے والے یاد رکھیں ان کاگھربھی ہے:خواجہ سعدرفیق

9 April 2016

لاہور(مانیٹرنگ ڈیسک)وفاقی وزیر ریلوے خواجہ سعدرفیق نے کہا ہے کہ پی ٹی وی پر ریاست کا سربراہ ہی خطاب کرسکتاہے،عمران خان کو اجازت دی جاتی ہے تو باقی لوگ بھی موجود ہیں،عمران خان نوجوانوں کو تشدد پر مت اکسائیں،لوگوں کو رائے ونڈ راستے دکھانے والے یاد رکھیں ان کاگھربھی ہے۔جیونیوز کے مطابق وزیر ریلوے خواجہ سعدرفیق نے مزید کہا کہ عمران خان بات کا بتنگڑ بنانے کے ماہر ہیں،احتجاج کی بات کرکے2018کے الیکشن کی تیاری کررہے ہیں۔ انہوں نے کہا کہ عمران خان کو بچپن سے ہی وزیر اعظم بننے کا شوق ہے ،شوکت خانم کی مہم کے دوران بھی وزیر اعظم کے نعرے لگواتے تھے۔

وزیر ریلوے خواجہ سعدرفیق نے کہا کہ عمران خان سی پیک کے سب سے بڑے مخالف ہیں،عمران خان خود اپنے اوپر حملہ کرتے ہیں انھیں دشمن کی ضرورت نہیں۔ انہوں نے کہا کہ یہ لوگ جمہوریت کو چلتا نہیں دیکھناچاہتے، بعض لوگوں کو جمہوریت سے تکلیف ہے، عمران خان کا دھرنا ڈراما فلاپ ہوچکا ہے ۔

Source . Daily Pakistan

Leave a Reply

Be the First to Comment!


wpDiscuz