وزیراعظم اور آرمی چیف کی ملاقات ،راحیل شریف نے نواز شریف کو ڈان نیوز کی متنازع خبر پر فوج کی تشویش سے آگاہ کردیا

17 October 2016

اسلام آباد (مانیٹرنگ ڈیسک )وزیراعظم نواز شریف سے آرمی چیف جنرل راحیل شریف نے ملاقات کر کے ڈان نیوز میں شائع ہونے والی متنازعہ خبر پر فوج کی تشویش سے آگاہ کردیا ۔ملاقات میں قومی سیکیورٹی اور خطے کی صورتحال پر بھی تبادلہ خیال کیا گیا

تفصیل کے مطابق آرمی چیف جنرل راحیل شریف کی وزیراعظم نواز شریف سے ملاقات میں معروف انگریزی اخبار ڈان نیوز میں شائع والی خبر کے حوالے سے تبادلہ خیال ہوا ۔نجی نیوز اے آر وائی نیوز کے مطابق اس موقع پرر احیل شریف نے متنازعہ خبر کے حوالے سے وزیراعظم کو کور کمانڈر اور فوج کی تشویش سے آگاہ کیا ۔ملاقات میں متنازع خبر کے حوالے سے اب تک ہونے والی تحقیقات کے حوالے سے بھی بات چیت کی گئی ۔اس ملاقات سے قبل وزیراعظم نواز شریف نے وفاقی وزیر داخلہ چوہدری نثار سے بھی ملاقات کی تھی جس میں چوہدری نثارنے اس خبر پر ہو نے والی اب تک کی تحقیقات سے وزیراعظم کو آگاہ کیاتھا ۔

واضح رہے کہ ڈان نیوز میں قومی سلامتی کمیٹی کے اجلاس میں سول ملٹری تعلقات میں تلخی کے حوالے سے متنازع خبر شائع کی گئی تھی جس پر وزیراعظم نے وفاقی وزیر داخلہ کو تحقیقات کا حکم دیا تھا ۔

Source. Daily Pakistan

Leave a Reply

Be the First to Comment!


wpDiscuz