اسلام آباد اور گردونواح میں 5.1شدت کا زلزلہ ، لوگوں میں خوف و ہراس

31 August 2016

اسلام آباد (مانیٹرنگ ڈیسک ) وفاقی دارالحکومت اسلام آباد اور گردونواح میں زلزلے کے جھٹکے محسوس کیے گئے ہیں جس سے شہریوں میں خوف و ہراس پھیل گیا ۔زلزلے کے جھٹکے 8بجکر 22منٹ پر محسوس کیے گئے ۔

ایکسپریس نیوز کےمطابق اسلام آباد اور گردونواح میں زلزلے کے شدید جھٹکے محسوس کیے گئے ہیں ، زلزلے کے باعث شہری کلمہ طیبہ کا ورد کرتے ہوئے اپنے گھروں اور دفاتر سے باہر نکل آئے ۔

محکمہ موسمیات کا کہنا ہے کہ زلزلے کی شدت 5.1ریکارڈ کی گئی ہے جبکہ گہرائی 10کلو میٹر زیر زمین تھی ، زلزلے کا مرکز چین کے علاقے سیچوآن میں تھا تاہم ابھی تک زلزلے کے باعث کسی قسم کے جانی یا مالی نقصان کی اطلاع نہیں ملی ۔

محکمہ موسمیات کے ذرائع کا کہنا ہے کہ محکمہ ڈیزاسٹر مینجمنٹ سے رابطے میں ہیں اور زلزلے کے نقصانات کا پتہ لگانے کی کوشش کر رہے ہیں۔

Source. Daily Pakistan

Leave a Reply

Be the First to Comment!


wpDiscuz