اسلام آباد دھرنے سے پہلے عمران خان کی گرفتاری کا امکان

18 October 2016

اسلام آباد(مانیٹرنگ ڈیسک)حکومت نے تحریک انصاف کا اسلام آباداحتجاج روکنے کے لئے کمر کس لی، وزیراعظم کی قریبی ساتھیوں سے مشاورت جاری ہے، کسی کو بھی ریڈ زون میں داخلے کی اجازت نہیں دی جائے گی ، عمران خان کو گرفتارکیے جانے کا بھی امکان ہے۔

تفصیلات کے مطابق دنیا نیوز کے سینیئر اینکر پرسن کامران خان کے مطابق حکومت دو نومبر سے شروع ہونے والے تحریک انصاف کے احتجاج کو ناکام بنانے کی حکمت عملی پر غور کررہی ہے۔ وزیراعظم نوازشریف نے اس حوالے سے اپنے قریبی ساتھیوں اور حکومتی عمائدین سے مشاورت بھی شروع کردی ہے۔ دوسری جانب یہ فیصلہ بھی کیا گیا ہے کہ کسی کو کسی بھی صورت ریڈ زون میں داخلے کی اجازت نہیں دی جائے گی۔ املاک کا تحفظ بھی یقینی بنایا جائے گا۔ مردان میں وزیر اطلاعات پرویز رشید کے خطاب کا حوالہ دیتے ہوئے کامران خان کا کہنا تھا کہ اس خطاب کے تناظر میں دیکھیں تو تحریک انصاف کے چیئرمین عمران خان کوگرفتارکئے جانے کا بھی امکان ہے۔

Source. Daily Pakistan

Leave a Reply

Be the First to Comment!


wpDiscuz