انگور کا ایک خوشہ 11 لاکھ روپے میں فروخت

9 July 2016

انگور کا ایک دانہ کتنے کا آجائے گا یقیناً زیادہ سے زیادہ بھی دو سے پانچ روپے میں آپ اسے خرید سکتے ہیں، مگر کیا آپ اسے 36 ہزار روپے میں خریدنا پسند کریں گے؟

جی ہاں گزشتہ دنوں جاپان میں انگوروں کا ایک خوشہ لگ بھگ 11 ہزار ڈالرز (11 لاکھ 53 ہزار 130 پاکستانی روپے) میں فروخت ہوا۔

جی ہاں یہ دنیا کا سب سے مہنگا انگوروں کا خوشہ تھا جو جاپان میں فروخت ہوا۔

فوٹو بشکریہ baneya فلیکر اکاؤنٹ

اس خوشے میں 30 دانے تھے اور خریدار کو لگ بھگ ہر دانہ 350 ڈالرز (ساڑھے 36 ہزار روپے سے زائد) کا پڑا۔

اور ہاں اتنی قیمت پر بھی آسانی سے خریدنے کا موقع نہیں ملا تھا بلکہ یہ پھل تو نیلامی کے لیے پیش کیا گیا تھا جس میں ایک شخص کامیاب رہا۔

دلچسپ بات یہ ہے کہ جس شخص نے ان انگوروں کو خریدا تھا وہ انہیں کھانے کی بجائے اپنی دکان میں خریداروں کو بطور تحفہ تقسیم کرے گا۔

انتہائی مہنگے فروخت ہونے والے انگوروں کو اس طرح پیک کیا گیا— اے پی فوٹو

یہ عا م سبز انگور نہیں تھے بلکہ سرخ رنگ کے تھے جنھیں روبی رومن کہا جاتا ہے اور جاپان میں یہ اسٹیٹس سمبل کی علامت سمجھے جاتے ہیں۔

صرف ایک جگہ اس کی کاشت ہوتی ہے اور اس طرح کے انگور پہلی بار 2008 میں فروخت کے لیے پیش کیے گئے تھے۔

اس انگور کے ہر دانے کا وزن کم از م بھی 20 گرام ہوتا ہے جبکہ چند خوش قسمت افراد ہی ان دانوں کو خرید پاتے ہیں۔

فوٹو بشکریہ وکی پیڈیا

یہ پہلی بار نہیں کہ جاپان میں کوئی پھل حیرت انگیز قیمت پر فروخت ہوا ہو، درحقیقت اس ملک میں پھلوں کو ایک پرتعیش چیز سمجھا جاتا ہے اور اکثر تحفے کے طور پر دیا جاتا ہے۔

خیال رہے کہ انگوروں کا استعمال موٹاپے کا خطرہ کم کرتا ہے جبکہ آنکھوں کی صحت کے لیے مفید ہے اور اس میں کافی صحت بخش اجزاءشامل ہوتے ہیں۔

تاہم پھر بھی ایک خوشے کے لیے آپ 11 ہزار ڈالرز خرچ کرنا پسند کریں گے؟

 Source. Dawn News

Leave a Reply

Be the First to Comment!


wpDiscuz